Molen Spaansche- of Spangense polder (1e), Rotterdam, stadsdeel Overschie

geschiedenis

toestand

verdwenen

bouwjaar

1434

verdwenen

1487

opvolger

Rotterdam, stadsdeel Overschie (Spaansche- of Spangense polder (2e))

geschiedenis

Molen No.1:
Wipmolen van de Spaense Polder (Spaansche- of Spangesche)

Wij Daniël van Cralingen, Adriaen van Mattenes ende Huijman Dircxzoon van Tijlingen, ogeheijemraden van Schielant doen cond allen luijden, hoe dat Eggebrecht van der Spangen als ambochtsbewaerre van den Spaenschen polre belijet ende bekent, dat hij ontfaen heeft van der stede van Delf LX gouden borgoensche scilden, daer hij een watermolen mede setten sal in die voirscreve polre in zulker voirwaerden als zij te samen gamaict hebben ende wair dat sake dat die voirscreven polre mitter molen nijet gebaet en waer, so heeft Eggebrecht voirscreven geloift binnen dese twee jaren die stede van Delf die LX scilde weder te gheven ende wel te betalen als ambochtbewaerre die dan wesen sal, so geloven wij dat die dijcgrave van schielant der stede van Delf uutleggen sel na der dijckaedzen recht in der eerster schouwe na den voirscreven termijn. Ende want dese voirwaerde voirscreven aldus voir ons gesciet is, so hebben wij dit doen teijkenen in onser hiemraden boeck van Schiedam ende hebben der stede van Delf cedel dair uutgegeven, gescreven mit onser clercs hant up Sinte Katrinen avont int jaer duijsent vier hondert XXXIIII